बेलायत र नेपालबीचको कुटनीतिक समबन्ध स्थापनाको दुई सय वर्ष पूरा भएको खुशियालीमा आयोजना गरिएको यो ऐतिहासिक खेलमा नेपालीहरुको सहभागिता बढाउने उद्धेश्यले लण्डनस्थित नेपाली दूतावासको संयोजनमा विभिन्न समितिहरु पनि गठन गरिएको छ ।
खेल हेर्न वयस्कका लागि १० पाउण्ड र ६५ वर्ष माथिकालाई ५ पाउण्डको टिकट लाग्नेछ भने १६ वर्ष मुनिकालाई निशुल्क हुनेछ । त्यस्तै आफना परिवार तथा साथीभाईसंग संगै छुट्टै बसेर हेर्न चाहने दर्शकका लागि प्राइभेट बक्स समेत बुक गर्न सकिनेछ । जसअनुसार १८ जना अट्ने सिंगल बक्सको लागि २ सय पाउण्ड तथा ३६ जना अट्ने डबल बक्सको लागि २ सय ५० पाउण्ड लाग्नेछ । त्यसमाथि भिएटी र हरेक दर्शकको लागि १० पाउण्डको दरले टिकट शुल्क पनि लाग्नेछ ।
खेलबाट संकलन हुने रकम गोर्खा वेलफेयर ट्रस्ट तथा नेपाल क्रिकेट संघ क्यानलाई आधाआधा प्रदान गरिनेछ ।